Member ginn
Ënnerstëtzt eis Sprooch a gitt Member vun der Actioun Lëtzebuergesch!
- Iwwerweist 15€ a setzt Är Adress an d'Kommunikatioun:
CCPLLULL IBAN LU75 1111 0066 4448 0000
BCEELULL IBAN LU52 0019 1000 7250 4000
- Confirméirt Är Umellung mat enger E-Mail: actioun@letzebuergesch.lu
09.09.2021 - Interview um Radio 100,7
Eise President Claude BACHE war haut de Moien um Radio 100,7 a schwätzt iwwer Lëtzebuergesch um Flughafen, 50 Joer Actioun Lëtzebuergesch a.s.b.l. an eisen Asaz fir d'Lëtzebuerger Sprooch am Allgemengen.
- Interview um Radio 100,7 vum 9. September 2021
07.09.2021 - Pressecommuniqué: D'Sprooche vun den automateschen Ukënnegungen um Flughafe Findel
De Comité vun der AL ass enttäuscht, datt mat der joerzéngten aler Traditioun gebrach gëtt, d'Ukënnegungen um Fluchhafe Findel och op Lëtzebuergesch ze maachen.
- AL Pressecommuniqué vum 7. September 2021
- RTL Artikel vum 7. September 2021
- Interview um Radio 100,7 vum 9. September 2021
20.06.2021 - Aussergewéinlech Generalversammlung op "Distanz"
Bedéngt duerch d’Corona-Pandemie, déi eng physesch Präsenz vun de Memberen net erlaabt, gouf dëst Joer eng 2. aussergewéinlech Generalversammlung op Distanz ofgehalen, well de Quorum vun 2/3, déi fir eng Ännerung vun de Statuten néideg ass, bei der 1. aussergewéinlecher Generalversammlung vum 15. Juni 2021 net erreecht gouf. D‘Membere konnte per Bréif oder E-Mail ofstëmmen.
| averstanen | net averstanen | ech enthale mech | |
| Ech si mat de proposéierten Ännerunge vun de Statute vun der Actioun Lëtzebuergesch | 242 | 2 | 0 |
15.06.2021 - Generalversammlung op "Distanz"
Bedéngt duerch d'Corona-Pandemie, déi eng physesch Präsenz vun de Memberen net erlaabt, gouf dëst Joer, genee esou wéi dat lescht Joer, eng Generalversammlung op Distanz ofgehalen. D'Membere konnte per Bréif oder E-Mail ofstëmmen.
Als Comité si mir ganz houfreg drop, datt net manner wéi 245 Membere bis de 15. Juni hire Stëmmziedel entweeder per Mail oder mat der Post erageschéckt hunn. Hei fannt Dir d'Resultat vun der Ofstëmmung am Detail:
| derfir | dogéint | Enthalung | ||
| 1 | Activitéits-Rapport 2020 vum Sekretär | 240 | 3 | 2 |
| 2 | Keesse-Rapport 2020 vum Tresorier | 239 | 3 | 2 |
| 3 | Rapport vun de Keessereviseuren | 239 | 3 | 2 |
| 4 | Entlaaschtung vum Comité | 237 | 4 | 2 |
| 5 | Deelneiwiel vum Comité (d'Comitésmembere Mariette Atten-Haag, Romain Wachter an Vic Weber trieden aus a kënnen ouni nei Kandidatur erëmgewielt ginn. De Romain Wachter verzicht op eng nei Bedeelegung am Comité. D'Clara Moraru, d’Suzette Schmit-Lehnertz, de Jean-André Stammet an de François Zeien hunn hir Kandidatur gestallt a kënnen all zesummen an de Comité gewielt ginn) | 234 | 6 | 2 |
| 6 | Neiwiel vun de Keessreviseuren (d'Keessreviseure Jean-Claude Kaell a Jos Wampach si bereet, nach e weidert Joer an hirer Funktioun ze bleiwen) | 238 | 5 | 2 |
| 7 | Festleeë vun der Cotisatioun fir 2022: 15€ | 241 | 2 | 2 |
| 8 | Budget fir d'Joer 2021 | 236 | 4 | 3 |
23.04.2021 - Video am Kader vu "50 Joer Actioun Lëtzebuergesch"
Am November 2021 feiert d'AL hir 50 Joer. Am deem Kader hu mir e kuerze Video iwwer d'AL produzéiert:
03.02.2021 - Nimm vun neien Tramstatiounen
Mir hunn e Bréif un d'Gemeng Lëtzebuerg, Luxtram S.A. an un den Transportministère geschéckt, fir datt d'Nimm vun deenen neien Tramstatiounen tëscht der Gare an dem Gaasperecher Bann e lëtzebuergeschen Numm kréien. Mir hunn déi heiten Nimm proposéiert: 1. Rennbunn / Hippodrome , 2. Lycée Bouneweg, 3. Minesbësch oder Rangwee / Scillas, 4. Houwald, 5. Lycée Vauban, 6. Gaasperecher Bann, 7. Stadion
Duerch eng Äntwert vun der Stater Buergermeeschtesch krute mir zum groussen Deel Satisfactioun.
21.12.2020 - Ënnerstëtzung fir 2 Muséeën an der Corona Pandemie
D‘Actioun Lëtzebuergesch huet 2 Muséeën, déi duerch d‘Corona Pandemie gelidden hunn, a sech fir d’Lëtzebuerger Geschicht an hire Brauchtum asetzen, mat engem Don vun 2×500€ ënnerstëtzt: de Musée «Thillenvogtei» vu Ranschelt an de Musée rural «A Schiewesch» vu Bënzelt.
20.09.2020 - Generalversammlung op "Distanz"
Wéinst der Corona-Pandemie konnt eis Generalversammlung, déi fir den 28. Mäerz dëst Joer geplangt war, net an eisem Siège zu Izeg ofgehal ginn. Eise Comité huet dofir decidéiert, dës Generalversammlung, déi vun eise Statute virgeschriwwen ass, den 20. September 2020 "op Distanz" ze halen, an dat am Aklang mat de Bestëmmungen, déi d’Regierung fir dës Pandemie festgesat hat.
Als Comité si mir ganz houfreg drop, datt net manner wéi 130 Membere bis den 20. September hire Stëmmziedel entweeder per Mail oder mat der Post erageschéckt hunn. Hei fannt Dir d'Resultat vun der Ofstëmmung am Detail:
| derfir | dogéint | Enthalung | ||
| 1 | Activitéits-Rapport 2019 vum Sekretär | 130 | 0 | 0 |
| 2 | Keesse-Rapport 2019 | 130 | 0 | 0 |
| 3 | Rapport vun de Keessereviseuren | 128 | 0 | 2 |
| 4 | Entlaaschtung vum Comité | 129 | 0 | 1 |
| 5 | Deelneiwiel vum Comité (d'Comitésmembere Claude Bache a Lex Roth trieden aus a kënnen ouni nei Kandidatur erëmgewielt ginn) | 129 | 0 | 1 |
| 6 | Neiwiel vun de Keessreviseuren (d'Keessreviseure Jean-Claude Kaell a Jos Wampach si bereet, nach e weidert Joer an hirer Funktioun ze bleiwen) | 129 | 0 | 1 |
| 7 | Festleeë vun der Cotisatioun fir 2021: 15€ | 119 | 0 | 11 |
| 8 | Budget fir d'Joer 2020 | 126 | 0 | 4 |
01.05.2020 - Limitéiert Editioun: Sammelwierk 250 Klacken
Fir d'Publikatioun vun der 250. «Eng Klack fir eis Sprooch» am Abrëll 2019 ze feieren, huet d'AL decidéiert, all 250 «Klacken» (Juni 1993 bis Abrëll 2019) als eegestännegt Buch eraus ze bréngen (limitéiert Editioun vu 50 Exemplaren). Mir offréieren Iech awer och eng gratis Versioun als E-Buch.
- D'Buch ka bei äis bestallt ginn: actioun@letzebuergesch.lu (20,00€ + 5,00€ Porto)
18.03.2020 - AL Generalversammlung ass ofgesot ginn
Wéinst der aktueller Corona Pandemie, ass eis Generalversammlung vum 28. Mäerz 2020 ofgesot ginn. En neien Datum gëtt de Membere schrëftlech matgedeelt.
24.11.2019 - Sëlwerplack «Dicks-Rodange-Lentz» un den Här Lulling iwwereecht
Den 9. November 2019 gouf um AL Hierschtpatt d'Sëlwerplack «Dicks-Rodange-Lentz» un den Här Jérôme LULLING iwwerreecht, fir hie fir seng Verdéngschter am Kader vun der Lëtzebuerger Sprooch ze éieren.
Hei d'Interviewen an der Press:
- Reportage um Radio 100,7 vum 13. November 2019
- Planet RTL vum 16. November 2019
- Invité am Moies Magazin um Radio 100,7 vum 23. November 2019
09.11.2019 - AL Hierschtpatt 2019 & Buchpresentatioun
Den 9. November 2019 ass um 15:00 Auer an eise Raimlechkeeten zu Izeg, 20, Conter Strooss (am ale Klouschter) den AL Hierschtpatt an d'Buchpresentatioun vum Buch «Verbentabellen op Lëtzebuergesch». Jiddereen ass häerzlech invitéiert, och als Net-Member. Bei där Geleeënheet gëtt d'Sëlwerplack «Dicks-Rodange-Lentz» un den Här Jérôme LULLING iwwerreecht, fir hie fir seng Verdéngschter am Kader vun der Lëtzebuerger Sprooch ze éieren.
D'Gebai läit net direkt un der Strooss an ass nëmmen iwwer privaten Terrain ze erreechen, wou dir och Parkplaze fannt.
09.10.2019 - Verbentabellen op Lëtzebuergesch (Englesch)
D'Buch «Verbentabellen op Lëtzebuergesch» vum Auteur Dr. Jérôme Lulling, gouf vum Dr. Tom Weidig a vum Chistine Dury vum Franséischen op Englesch iwwersat, a vun der «Actioun Lëtzebuergesch» mat der finanzieller Ënnerstëtzung vun der Fondation Publique publizéiert. D'Buch ass op Basis vum Här Lulling sengen Erfarungen als Enseignant entstanen. Ëmmer méi Leit, déi Lëtzebuergesch léieren, hunn Englesch als Mammesprooch oder als éischt Friemsprooch, a mir hoffen domat e Lach fëllen ze kënnen.
- 100 Säiten, DIN A4, mëll Deckelen
- Dictionnaire mat 650 Verben, Iwwersetzung an 2 Richtungen
- 650 conjugéiert Verben: Present a Vergaangenheet
- 1300 Beispillsätz op Lëtzebuergesch mat Iwwersetzung op Englesch
- Eng präzis Aféierung an déi wichtegst grammatesch Reegelen
- Librairie Ernster: bestellen (15,00€)
05.06.2019 - Pressecommuniqué: Avis vun der Venedeg-Kommissioun (Europarot)
No dem Avis vun der Venedeg-Kommissioun (Europarot) vum 18. Mäerz 2019, an no de rezente Stëmmen an der Lëtzebuerger Press iwwer déi nei geplangte Constitutioun, profitéiert d'AL, fir hir Positioun zu dem Artikel 4(1) nach eng Kéier an engem Pressecommuniqué z'ënnersträichen:
- Pressecommuniqué vum 5. Juni 2019: Avis vun der Venedeg-Kommissioun (Europarot)
- Integralen Text vun der neier geplangter Constitutioun
03.05.2019 - René Faber
D'Gedenkmëss ass zu Märel an der Kierch e Méindeg, de 6. Mee um 16.30 Auer.
06.04.2019 - Generalversammlung 2019
Mir invitéieren Iech fir de Samschdeg, de 6. Abrëll, um 15:00 Auer op eise Sëtz zu Izeg, 20, Conter Strooss (am ale Klouschter) op en Exposé mam Jérôme LULLING (Dokter an der Linguistik, Lëtzebuergesch Enseignant, Auteur vu Bicher an online Projete fir Lëtzebuergesch ze léieren) an op eis Generalversammlung 2019 mat Patt dono.
De 6. Abrëll gëtt och déi 250. "Eng Klack fir eis Sprooch" publizéiert, a mir setze fir déi Geleeënheet och déi 92 "Klacken", déi bis elo nach gefeelt hunn, online op eis Websäit.
18.02.2019 - Pressecommuniqué: 35 Joer Sproochegesetz
35 Joer Sproochegesetz: D'Sproochegesetz war e Succès, mee kéint un déi aktuell Situatioun ugepasst ginn!
- Pressecommuniqué vum 18. Februar 2019: 35 Joer Sproochegesetz
- Reportage am Radio 100,7 (Panorama) vum 18. Februar 2019
- Artikel am Journal vum 19. Februar 2019
- Artikel am «Le Quotidien» vum 21. Februar 2019
- Reportage um RTL vum 24. Februar 2019
10.11.2018 - AL Hierschtpatt: Photoen an Artikel
Den 10. November 2018 ass an eise Raimlechkeeten zu Izeg um AL Hierschtpatt d'Sëlwerplack «Dicks-Rodange-Lentz» un den Här Mil GOERENS iwwerreecht ginn, fir hie fir säi formidabelt 3-bännegt Soe Wierk «Eiser Soen» ze éieren.
10.11.2018 - AL Hierschtpatt
Den 10. November 2018 ass um 15:00 Auer an eise Raimlechkeeten zu Izeg (20, Conter Strooss) den AL Hierschtpatt. Jiddereen ass häerzlech invitéiert, och als Net-Member. Bei där Geleeënheet gëtt d'Sëlwerplack «Dicks-Rodange-Lentz» un den Här Mil GOERENS iwwerreecht, fir hie fir säi formidabelt 3-bännegt Soe Wierk «Eiser Soen» ze éieren.
D'Gebai läit net direkt un der Strooss an ass nëmmen iwwer privaten Terrain ze erreechen, wou dir och Parkplaze fannt.
24.10.2018 - AL Lidderowend
De 24. Oktober um 18:30 Auer organiséiere mir am Kulturhuef zu Gréiwemaacher e «Lëtzebuerger Lidderowend mat der AL». Et gëtt Piano gespillt a fir z'iesse kann een tëschent Wäinzoossiss, Kniddelen an eppes Vegetaresches wielen. W.e.g. mellt Iech hei un: actioun@letzebuergesch.lu
29.09.2018 - Ausfluch op Miersch an den CNL (Centre national de littérature)
Den 29. September 2018 organiséiere mir en Ausfluch op Miersch an den CNL. Um 9:44 Auer huele mir an der Stad den Zuch. Fir déi Leit déi net aus der Stad kommen, begéine mir äis um 10:15 Auer beim CNL (Centre national de littérature) op der Adress: 2, rue Emmanuel Servais, L-7565 Mersch. No der Visite beim CNL gi mir e Maufel iessen. W.e.g. mellt Iech bis spéitstens den 15. September 2018 un, an iwwerweist als Akkont 20€ op eise Kont: CCPLLULL IBAN LU75 1111 0066 4448 0000
21.07.2018 - Chamberwalen 2018
Am Kader vun de Chamber Walen 2018 ass d'Actioun Lëtzebuergesch vun alle Parteien ëmfaange ginn, déi an der Chamber vertruede sinn:
- LSAP, 17. Mee: Deputéierte Marc ANGEL, Deputéierte Franz FAYOT, Attachée parlementaire Simone ASSELBORN an Attachée parlementaire Nathalie SCHMIT
- Déi Gréng, 1. Juni: Deputéiert Sam TANSON an Assistant parlementaire Sven SCHILTZ
- DP, 18. Juni: Deputéierte Max HAHN an DP Generalsekretär Claude LAMBERTY
- CSV, 21. Juni: Deputéiert Octavie MODERT an Deputéiert Martine HANSEN
- ADR, 25. Juni: Deputéierte Fernand KARTHEISER, Attaché parlementaire Alain KLEEBLATT, Petitionär (698) Lucien WELTER a Lëtzebuergesch-Spezialistin Mandy KRIER
- Déi Lénk, 16. Juli: Déifferdénger Gemengerot Gary DIDERICH an Escher Gemengerot Guy KERSCH
D'Actioun Lëtzebuergesch gouf vum President Claude BACHE, Sekretär Patrick KAELL, Caissier Alexis KLEIN a vum Comitésmember Romain WACHTER vertrueden.
Ënnert anerem hu mir mat de Parteien déi heite Punkten diskutéiert:
- D'Gesetz iwwer d'Promotioun vun der Lëtzebuerger Sprooch.
- D'lëtzebuerger Sprooch an der geplangter neier Constitutioun.
- D'Unerkennung vun der lëtzebuerger Sprooch als EU Sprooch.
- D'Aféierung vun obligatoresche Lëtzebuergesch Coursen an den internationale Schoulen zu Lëtzebuerg.
- D'Grënnung vun enger INL Sektioun fir professionell Journalisten, an där d'lëtzebuerger Sprooch, d'Geschicht an d'Gesellschaft geléiert gëtt. D'Journalisten hunn eng Multiplikator Funktioun, an dowéinst ass et wichteg, datt si e proppert Lëtzebuergesch schwätze kënnen.
- D'Aféierung vun engem schrëftleche Lëtzebuergesch Test am Staatsbeamten Examen. Dat ass wichteg fir datt d'Beamten dem Bierger och schrëftlech op Lëtzebuergesch äntwere kënnen.
- D'Convocatioun fir d'Walen 2018 soll och op Lëtzebuergesch sinn.
21.06.2018 - Liesung mam Lex Roth a Karikature vum Carlo Schneider
De Lex Roth feiert seng 85 Joer. Feiert mat him den 21. Juni um 19:30 Auer um CNL zu Miersch (2, rue Emmanuel Servais, L-7565 Mersch).
Photogalerie op RTL: http://www.rtl.lu/fotoen/30410/#p1
13.05.2018 - 4. Lidderfouer am Schlass zu Beefort
D'Actioun Lëtzebuergesch ass de Sonnden, den 13. Mee op der 4. Lidderfouer nees mat engem eegene Stand vertrueden. Vergiesst net laanscht ze kommen!
Hei fannt Dir d'Detailer iwwer de Programm vun der 4. Lidderfouer am Schlass zu Beefort:
14.04.2018 - Generalversammlung 2018
De Comité vun der „Actioun Lëtzebuergesch“ invitéiert all seng Memberen op hir gewéinlech Generalversammlung an op hir aussergewéinlech Generalversammlung e Samschdeg, de 14. Abrëll 2018 um 15:00 Auer nomëttes zu Izeg -- 20, Conter Strooss (am Klouschter), wou mir zënter dem leschte Joer eise Sëtz hunn.
Déi Responsabel vun «Autisme Luxembourg a.s.b.l.» halen iwwer hir nei elektronesch Zeitung mam Numm «KONTERBONT», déi ganz op Lëtzebuergesch ass an deelweis vun Autiste gemaach gëtt, en Exposé.
